muaz Admin
عدد المساهمات : 308 تاريخ التسجيل : 10/11/2011 العمر : 32
| موضوع: نكات شوايقة 0000 الثلاثاء يناير 29, 2013 4:11 pm | |
| جعلي سألُوهو عن الغُربة كيف؟؟ قال والله الغربة من شِدة ما حارة تلاقي الشايقي في الشارِع تسلِم عليهو!!
___________________________________
إتنين شوايقه زهجانين من نسوانُن واحِد قال للتاني:نِحنا لمن نموت ونتزوج الحور العِين نِسوانا ديل بودُوهُم وِين؟؟ التاني قال ليهُو بعزِبو بيهُم الكُفار!!
_____________________________________
شايقية قالت لي أمها : راجلي إتاخر شديد خايفة يكون عرس علي؟؟ قالت ليها يابت إتفائلي خير يمكن طقشتو عربية!!
_______________________________________
شايقى دخل مع إبنه سوبر ماركت الولد قال لأبوه : أنا بحب الشوكولاتة أبوه قال : حبها ورجعها مكانها
__________________________________________________ _____
شايقي سألوه الفرق بين زمان وهسي شنو؟؟ قال ليهم زمان لما يجيبو الأكل الناس تقول بسم الله وتبدأ وفي النهايه تقول الحمد لله... هسي لما يجيبو الأكل الناس تقول الحمد لله الأكل جا ولما تنتهي تقول بسم الله متين كمل..
__________________________________________________ ____ شايقي راكب في مركب في النيل ومعاهو أبوهو وأمو وناس تانيين غيرم وما كان في زول بيعرف يعوم غير الشايقي دا أها قامت المركب غرقت في نص البحر والشايقي ما عندو طريقة يمرق معاهو غير زول واحد بس اها قام الشايقي مرق معاهو واحد غير أبوهو وأمو لما جا مارق في القيف الناس سالوهو انت كيف تخلي أبوك وأمك وتمرق الزول الغريب ؟؟ رد عليهم: نان ماني طالبو!!!
__________________________________________ شايقي نذر لو جاله ولد يصوم خمسة أيام شكر لله ، بعد أيام الولد مات ، صاحبنا راح خاصمهم من رمضان!!
____________________________________________
شايقي داير ينزل نعي في الجريدة .. كتب : الشايقي ينعي أبوه ... ويوجد تمر للبيع (( صحي شايقي))
____________________________________________
أدروب سألو تمشي الجنة والا النار قال ليهم الشوايقة ماشين وين ؟؟ قالو ليهو ماشين النار قال خلاس بمشي معاهم النار يا أدروب الكلام ده كيييف بس؟؟ قال ليهم: الشوايقة ديل ما بمشو حتة الا يكون فيها كّدة ولا منفعة!!
_________________________________
شايقي قال لأبوه : أبوي عايز أكمل دراستي بره . . أبوه قال ليهو مافي مشكلة خلي أمك تفرش ليك السرير في الحوش بس أوعى البرد ما يطقك
_________________________________ واحد شايقي جاتو ليلة القدر قالو ليه أي حاجة دايرة بتتحقق ليك بشرط إنه الجعلي جارك تتحقق ليه نفس الحاجة مرتين قال ليهم قدو لي عيني
______________________________________________
شايقي قاعد قدام قبر ويبكي بكاء شديد الجماعة شافو ليك وقالو الشايقي ده مجنون ، ما عارف القبر ده حق الجعلي .. قامو قالو ليهو هاااااااااااا زول نعل ما في عوجة انت ما عارف القبر ده قبر الجعلي!! قال ليهم :آي بالحيل عارفوا قبر الجعلي ... لكن أنتوا ما سمعتوا البكاء بعذب الميت ... عشان كده أنا ببكي عشان الجعلي أتعذب أكثر وأكثر
_________________________________
واحد شايقي ابوه مات قالو ليه.....أدي الشيخ الغسل أبوك 10 ألف قال ليهم ليه!! هو غسل Bmw
________________________________
شايقي دخل الجنة وفجأة إختفي !! لما فتشوه لقوه بكب في بنزين لي ناس النار
_________________________________
شـايـقى واقـــف في بص شـاف بنت قـاعـــدة قـام عاين ليها . عــاينت ليه أبتـــسم ليها أبتســمت ليه غمـــز ليها . غمــزت ليه. أشـــــر ليها علي المحطة نزلت . . . قعـد محلــــــــــــــها !!! ______________________________
ستة شوايقة غاطسين فى البحر قالو البطلع أول على سطح المويه الغداء عليهو,لى يوم الليلة ده ماطلعو!!
____________________________________
شايقي دخل البيت زعلان شديد .. مَرَتُو سألتو مالك يا راجِل؟؟ قال ليها تخيلي الصيدلية عاملة تخفيض كبير في الدواء وما عندنا زول عيان
_________________________________________
واحد غرق فى النيل مافى جنبو إلا شايقى . قال للشايقى عليك الله أنقذنى : الشايقى قال ليه يازول ما تستغفر الله ... ده ما يومك | |
|